هيپاٽائٽس سي مان شفاياب ماڻهن جي موت جا امڪان وڌيڪ ٿين ٿا

هڪ تحقيق ۾ معلوم ٿيو آهي ته هيپاٽائٽس سي مان شفاياب ٿيندڙ ماڻهن جي عام ماڻهن جي نسبت مرڻ جا امڪان وڌيڪ ٿين ٿا. گلاسگو ڪيليڊونيئن يونيورسٽي ۾ ٿيندڙ پنهنجي نوعيت جي سڀني کان وڏي تحقيق ۾ معلوم ٿيو آهي ته اهي ماڻهو جن هيپاٽائٽس سي کي شڪست ڏني، انهن جي مرڻ جا امڪان انهن ماڻهن جي نسبت جيڪي هن بيماري ۾ مبتلا ناهن ٿيا، کان 3 کان 14 سيڪڙو وڌيڪ ٿين ٿا. جڏهن ته ان ڳالهه جو انحصار بيماري جي شدت تي هوندو آهي. تحقيق ۾ هيءَ ڳالهه سامهون آئي ته اسڪاٽش مريضن جي موت جو تعداد (442) عام ماڻهن جي موت (98) جي مقابلي ۾ 4.5 سيڪڙو وڌيڪ هو. انگلينڊ ۾ ٿيندڙ موتن جي شرح پنج سيڪڙو وڌيڪ هئي، جيڪا متوقع تعداد کان گهڻو وڌيڪ هئي.