اتر وزيرستان ۾ فورسن جو آپريشن، هڪ اهلڪار شهيد، 5 دهشتگرد مارجي ويا

آءِ ايس پي آر  موجب اتر وزيرستان ۾ سيڪيورٽي فورسن جي ڪارروائي دوران 5 دهشتگرد مارجي ويا ۽ هڪ سيڪيورٽي اهلڪار ناصر خان جنهن جو تعلق ڏکڻ وزيرستان کان هو شهيد ٿي ويو. آءِ ايس پي آر موجب سيڪيورٽي فورسن اتر وزيرستان ۾ ڳجهي اطلاع تي آپريشن ڪيو، جنهن دوران سيڪيورٽي فورسن ۽ دهشتگردن وچ ۾ فائرنگ جي ڏي وٺ ٿي. آءِ ايس پي آر جو چوڻ آهي ته مارجي ويل دهشتگردن وٽان وڏي مقدار ۾ هٿيار ۽ بارود هٿ ڪيو ويو آهي، دهشتگرد سيڪيورٽي فورسن تي حملن ۾ ملوث هئا.