نيشنل گـــرڊ ۾ خرابي سبب بجليءَ جو ملڪ گير بريڪ ڊائون

نيشنل گرڊ ۾ خرابي سبب اسلام آباد، ڪراچي، لاهور، پشاور ۽ ڪوئيٽا سميت ملڪ جي اڪثر علائقن ۾ بجلي غائب ٿي وئي، ڪراچي جي مختلف علائقن ۾ صبح ساڍي ستين وڳي کان بجلي جي فراهمي معطل ٿيڻ سبب شهر جو 90 سيڪڙو حصو بجلي کان محروم آهي. ڪي اليڪٽرڪ ذريعن جو چوڻ آهي ته بريڪ ڊائون جو امڪاني سبب نيشنل گرڊ ۾ خرابي آهي، بجلي جي مڪمل بحالي ۾ 5 کان 6 ڪلاڪ لڳي سگهن ٿا. ڄامشورو ريجنل سينٽر جي 500 ڪي وي سرڪٽ ۾ فالٽ اچڻ سبب حيدرآباد، مٽياري، ٽنڊو محمد خان، ٽنڊو الهيار ۽ بدين سميت 13 ضلعن کي بجلي جي فراهمي بند ٿي وئي.