اسلام آباد ۾ بلدياتي چونڊون، ووٽرز ووٽ ڏيڻ پهچي ويا

اسلام آباد ۾ بلدياتي چونڊن لاءِ ووٽرز ووٽ ڪاسٽ ڪرڻ لاءِ پهچي ويا. اسلام آباد جي علائقي سيدپور ڳوٺ يونين ڪائونسل 1 ۾ ووٽرز پولنگ لاءِ پهچي ويا، پولنگ اسٽيشن جي گيٽ بند ٿيڻ تي ووٽرز قطار ۾ بيهي احتجاج رڪارڊ ڪرايو. واضح رهي ته اسلام آباد هاءِ ڪورٽ جي دارالحڪومت ۾ بلدياتي اليڪشن اڄ ئي ڪرائڻ جي حڪم تي اليڪشن ڪميشن هٿ مٿي ڪري ڇڏيا. اليڪشن ڪميشن جي ذريعن چيو آهي ته اڄ اسلام آباد ۾ بلدياتي چونڊون ٿيڻ ممڪن ئي نه آهي، حڪومت سيڪيورٽي جي فراهمي کان معذرت ڪري ورتي آهي. ٻئي پاسي اليڪشن ڪميشن اسلام آباد ۾ اڄ بلدياتي چونڊون ڪرائڻ جو گذريل ڏينهن وارو عدالتي فيصلو چيلنج ڪري ڇڏيو آهي.