مراڪش ۾ شديد زلزلي سان قيامت صغريٰ برپا، 632 کان وڌيڪ ماڻهو فوت

مراڪش ۾ خوفناڪ زلزلي سان قيامت صغريٰ برپا ٿي وئي. قدرتي آفت ۾ هيستائين 632 کان وڌيڪ ماڻهو فوت ۽ 150 کان وڌيڪ زخمي ٿي ويا آهن. بين الاقوامي خبر ڏيندڙ ادارن موجب مراڪش ۾ تباهه ڪن زلزلي جي شدت 6.8 رڪارڊ ڪئي وئي، جنهن سان عمارتون لُڏي ويون ۽ سوين ماڻهو ملبي هيٺان دٻجي ويا. اختيارين موجب علائقي جون تاريخي عمارتون ملبي جو ڍير بڻجي ويون. زلزلي کانپوءِ متاثر ٿيل علائقن ۾ امدادي ڪارروايون شروع ڪيون ويون آهن، جڏهن ته مواصلاتي نظام به بري طرح متاثر ٿيو آهي. بجلي بند ٿيڻ سبب علائقا اونداهي ۾ ٻڏي ويا، جنهن سبب خوفزده شهرين رات کليل هنڌن ۽ روڊن تي گذاري.