بليوبيري جا وڌيڪ طبي فائدا سامهون اچي ويا

جيتوڻيڪ بليوبيري جا ڪيترائي فائدا سامهون اچي چڪا آهن، پر هاڻ هڪ تازي تحقيق مان معلوم ٿيو آهي ته هيءَ جادوئي بيري ڪنهن سپرفوڊ کان گهٽ ناهي، ڇو ته هاڻ هن ۾ بلڊپريشر گهٽ ڪرڻ وارا ڪيترائي اهم جزا سامهون آيا آهن. ڪنگز ڪاليج ۽ يونيورسٽي آف ريڊنگ جي ماهرن چيو آهي ته نئين تحقيقن سان ثابت ٿيو آهي ته روزانو بليوبيري جي ڪجهه مقدار کائڻ سان بلڊپريشر گهٽ ٿئي ٿو، ردِ عمل جي وقت ۾ گهٽتائي ٿئي ٿي، حافظو بهتر ٿئي ٿو ۽ دماغي ۽ اڪتسابي صلاحيت بهتر ٿئي ٿي.