مراقبو ذهني ڇڪتاڻ کي گهٽ ڪري ٿو (تحقيق)

مراقبو ۽ يوگا وغيره جا دماغ ۽ نفسيات تي گهڻا مثبت اثر مرتب ٿين ٿا ۽ هاڻ انهي ئي پسمنظر ۾ هڪ 17 سالن جي تحقيقي سروي مان اها ڳالهه ثابت ٿي آهي. ورلڊ جرنل آف سوشل سائنس ۾ ٿيندڙ هڪ طويل رپورٽ ۾ اهو چيو ويو آهي ته ٽرانسڪينڊٽل ميڊيٽيشن (ٽي ايم) سڌو سنئون دماغي ۽ اعصابي ڇڪتاڻ ۾ نمايان گهٽتائي آڻي ٿو، پر هيءَ تحقيق بطور خاص آمريڪي معاشرتي پسمنظر ۾ ڪئي وئي، دلچسپ ڳالهه اها آهي ته مطالعي ۾ شامل ماڻهن جيئن ئي پنهنجي ان مراقبي کي ڇڏيو ته وري سندن ذهني ڇڪتاڻ ۽ ڊپريشن ۾ اضافو ٿيڻ لڳو، جنهن مان مراقبي جي اهميت کي سمجهي سگهجي ٿو.