ٽيبليٽ ۽ فون مان بجلي ٺاهڻ جو تجربو ڪامياب

سائنسدان ڪيتري ئي عرصي کان اسڪرين ڇُهڻ جي عمل مان بجلي ٺاهڻ جي ڪوششن ۾ هئا، ڪجهه مشڪلاتون به سامهون رهيون، پر هاڻ يونيورسٽي آف ميساچيوسٽس ايمرسٽ جي ماهرن انسان جي ڇُهڻ جي عمل مان ايتري بجلي ضرور ٺاهي ورتي آهي جنهن سان ننڍن برقي پهراڻن (ويئر ايبلز) کي هلائي سگهجي ٿو. ان ۾ انساني جسم ئي اينٽينا بڻجي وڃي ٿو، جنهن ۾ وزيبل (مرئي) لائٽ ڪميونيڪيشن (وي ايل سي) جي عمل ۾ ضايع ٿيڻ واري توانائي استعمال ڪري سگهجي ٿي. وي ايل سي کي اسان روشني جو وائرليس چئي سگهون ٿا جيڪو عين فائبر آپٽڪس وانگر ئي ڪم ڪري ٿو، پر ان ۾ تار بدران روشني جي جهماڪن مان ڊيٽا کي موڪليو ۽ وصول ڪيو ويندو آهي.