ڪراچي: برقعو پائي گهر ۾ گهڙندڙ ٽي ڏوهاري مقابلي ۾ مارجي ويا

ڪورنگي ۾ ٽماڙ عمارت ۾ گهڙندڙ ٽي ڏوهاري پوليس جي مقابلي ۾ مارجي ويا. پوليس موجب ٽي ڏوهاري ٽماڙ عمارت ۾ ڦرلٽ جي نيت سان داخل ٿيا هئا ته اطلاع ملندي ئي پوليس پهچي وئي، 2 ڏوهارين کي سڃاڻپ لڪائڻ جي لاءِ برقعو پاتل هو، عمارت ۾ رهندڙن ٻڌايو ته 3 ڏوهاري هٿيارن سميت گهر ۾ داخل ٿيا، جن مان ٻن کي برقعو پاتل هو، ڏوهارين سڀ کان پهريان عمارت ۾ رهندڙ ماڻهن کي ڦرڻ شروع ڪيو ته پوليس به اطلاع ملندي ئي پهچي وئي. پوليس جي پهچڻ تي جوابدار ڇت طرف ڀڳا، جتي پوليس ۽ ڏوهارين ۾ مقابلو ٿيو 2 ڏوهاري ڇت تي ئي مارجي ويا ۽ ٽئين پاسي واري گهر ۾ ٽپو ڏنو، پر ٽيون به پاسي واري گهر ۾ مارجي ويو.