اسرائيل جو فلسطينين کي 24 ڪلاڪن اندر غزه مان نڪري وڃڻ جو حڪم

اسرائيل 11 لک فلسطينين کي 24 ڪلاڪن اندر غزه مان نڪري وڃڻ جو حڪم ڏئي ڇڏيو، اسرائيلي ترجمان جوناٿن ڪونريڪس چيو آهي ته عام فلسطيني شهري اسان جا دشمن نه آهن. اسرائيلي ترجمان جوناٿن ڪونريڪس موجب غزه ۾ حماس کي نشانو بڻائڻ لاءِ اسان شهرين جو گهٽ کان گهٽ نقصان چاهيون ٿا، گڏيل قومن جي اداري اسرائيل کي غزه مان 11 لک فلسطينين کي نڪري وڃڻ وارو ڏنل الٽيميٽم واپس وٺڻ جي اپيل ڪري ڇڏي. سلامتي ڪائونسل جو اڄ هنگامي اجلاس به طلب ڪيو ويو آهي.