عمران خان جي پيشي کان پهرين اسلام آباد ڪچهري جي سيڪيورٽي هاءِ الرٽ

ڊسٽرڪٽ اينڊ سيشن ڪورٽ اسلام آباد ۾ اقدامِ قتل جي ڪيس ۾ چيئرمين پي ٽي آئي اڳوڻي وزيراعظم عمران خان جي پيشي کان پهرين سيڪيورٽي هاءِ الرٽ ڪئي وئي آهي. پوليس جي نفري ايف ايٽ ڪچهري جي اندر ۽ ٻاهر مقرر ڪئي وئي آهي. ايف سي جا جوان به ايڊيشنل سيشن جج ظفر اقبال جي عدالت جي ٻاهر مقرر ڪيا ويا آهن. عمران خان جي پيشي کان پهرين ڪچهري جي مختلف رستن کي ڪنڊيدار تارون لڳائي بند ڪيو ويندو، جڏهن ته ڪچهري اندر غير واسطيدار ماڻهن جي داخلا تي پابند لڳائي وئي آهي. قيدي وين ۽ بڪتربند به ايف ايٽ ڪچهري پهچي وئي آهي.