ڀارتي پوليس کي وزيراعظم نريندر مودي جي قتل ۽ احمد آباد اسٽيڊيم ۾ بم ڌماڪي جي ڌمڪي موصول ٿي آهي

ورلڊ ڪپ ۾ پاڪ ڀارت ميچ 14 آڪٽوبر تي احمد آباد جي نريندر مودي اسٽيڊيم ۾ شيڊيول آهي، جڏهن ته ڀارتي پوليس کي اسٽيڊيم کي ڌماڪي سان اڏائڻ وارو خط اِي ميل ذريعي وصول ٿيو آهي. ڀارتي ميڊيا موجب دهشتگرد گروپ طرفان موڪليل اِي ميل ۾ ڀارتي وزيراعظم کي به نشانو بڻائڻ جي ڌمڪي ڏني وئي آهي. ڀارتي ميڊيا مطابق اِي ميل ۾ دهشتگردن 500 ڪروڙ رپيا ڏيڻ ۽ گينگسٽر روي بشنوئي کي آزاد ڪرڻ جو مطالبو به ڪيو آهي. ڀارتي ميڊيا مطابق دهشتگردن طرفان اِي ميل ۾ چيو ويو آهي ته ڀارت ۾ سڀ ڪجهه وڪامجي ٿو، اسان به ڪجهه خريد ڪيو آهي، اوهان جي سيڪيورٽي ڪيتري به سخت هجي، پر اسان کان بچي نٿا سگهو.