عمران خان جي فرنٽ پرسن فرح گوگي جي مها ڪرپشن ظاهر: 3 سالن ۾ سندس اثاثن ۾ ساڍا 4 ارب جو اضافو

تحريڪ انصاف جي چيئرمين جي فرنٽ پرسن طور ڪم ڪندڙ فرح گوگي جي ڪرپشن جي ڇرڪائيندڙ ڪهاڻي سامهون اچي وئي. پي ٽي آءِ چيئرمين عمران خان جي فرنٽ پرسن فرحت شهزادي عرف فرح گوگي جي ظاهري ۽ غير ظاهري اثاثن ۾ 2017 کان 2020ع تائين 4 ارب 52 ڪروڙ رپين جو حيرت ۾ وجهندڙ اضافو ٿيو. فرح گوگي 2020ع ۾ 95 ڪروڙ رپين جي اثاثن کي پاڻ مڃيو، پر ان کان هٽي ڪري سندس غير ظاهري ملڪيتي اثاثا 3 ارب 82 ڪروڙ رپيا آهن. رپورٽ موجب صرف 3 سالن دوران فرح گوگي جي ظاهري اثاثن ۾ 420 سيڪڙو جڏهن ته غير ظاهري اثاثن ۾ 15300 سيڪڙو اضافو ٿيو. اهي اثاثا فرح گوگي جي ذاتي ملڪيت آهن، جڏهن ته احسن جميل گجر ۽ ٻين حصيدار مائٽن جا اثاثا ڌار آهن.