آئين سان گڏ بيٺل آهيان، خاموشي جو مطلب اهو ناهي ته سياسي ڳالهين سان متفق آهيان: جسٽس قاضي فائز

ڪالهه قومي اسيمبلي ۾ آئين جي گولڊن جوبلي تقريب کي خطاب دوران جسٽس قاضي فائز عيسيٰ چيو ته مون کي اسپيڪر راجا پرويز اشرف چيو هو ته هتي سياسي ڳالهيون نه ٿينديون ۽ رڳو آئين تي ڳالهايو ويندو، پر هتي سياسي ڳالهيون ڪيون ويون. هن چيو ته وضاحت ڪرڻ ٿو چاهيان ته سياسي ڳالهين سان متفق نه آهيان، سڀاڻي ان ئي بنياد تي منهنجي خلاف ڪيس به ٿي سگهن ٿا. جسٽس قاضي فائز عيسيٰ چيو ته پارليامينٽ، عدليه ۽ بيوروڪريسي سڀ هڪ آهيون، خبر ناهي ته اسان هڪ ٻئي کي دشمن ڇو پيا سمجهون، عوام جي بنيادي حقن جي تحفظ لاءِ اسان سڀني کي گڏجي ڪم ڪرڻو پوندو.