اسلام آباد هاءِ ڪورٽ، سنڌ ۽ بلوچستان پوليس کي شيخ رشيد خلاف ڪارروائي کان روڪي ڇڏيو

جسٽس طارق محمود جهانگيري تي ٻڌل سنگل بينچ شيخ رشيد جي گرفتاريءَ تي توهين عدالت ۽ ڪراچي منتقلي خلاف درخواستن جي ٻڌڻي هلائي. شيخ رشيد جي وڪيل چيو ته شيخ رشيد کي نامعلوم هنڌ تي 6 ڪلاڪن تائين رکي ڪرسي سان ٻڌو ويو، جسٽس طارق محمود جهانگيري ريمارڪس ڏيندي چيو ته مون کي سمجهه ۾ نه ٿو اچي ته اهو سلسلو ڪٿي وڃي بيهندو. عدالت شيخ رشيد خلاف ڪراچي جي موچڪو ٿاڻي ۽ بلوچستان جي حب ٿاڻي تي داخل ڪيسن ۾ پوليس کي شيخ رشيد خلاف ڪارروائي کان روڪي ڇڏيو، ڌرين کي نوٽيس جاري ڪيا ويا آهن.