صحت جي ماهرن جو ڪانگو وائرس کان متاثر مريضن کي ٻين شهرن ڏانهن منتقل ڪرڻ تي تشويش جو اظهار

ڪوئٽا جي سرڪاري اسپتالن ۾ ڪانگو بخار جي پکڙيل صورتحال تي تشويش جو اظهار ڪندي ماهرن جو چوڻ آهي ته جيڪڏهن بلوچستان ۾ مريضن کي بروقت مناسب طبي امداد فراهم ڪئي وڃي ها ته نقصان کان بچي سگهجي ٿا. جڏهن ته صوبي ۾ طبي سهولتن جي فراهمي جي گهٽتائي سبب عوام پنهنجي زندگين کي خطري ۾ وجهي پنهنجن پيارن کي علاج لاءِ ڪراچي روانو ڪرڻ تي مجبور آهي. ڊان اخبار جي رپورٽ مطابق صحت جي ماهرن تازو ٿيندڙ واقعن کانپوءِ اسپتالن ۾ انفيڪشن ڪنٽرول متعلق طريقيڪار کي سختيءَ سان نافذ ڪرڻ ۽ چوپائي مال جي پالڻ ۾ احتياطي تدبيرن کي نافذ ڪرڻ تي به زور ڏنو آهي.