سردار شاهه جو سيڪريٽري سڏرائي جعلسازيون ڪندڙ فراڊي نوجوان گرفتار

صوبائي وزير سردار شاهه جو سيڪريٽري سڏرائي جعلسازيون ڪندڙ فراڊي نوجوان گرفتار ٿي ويو آهي. سنڌ سيڪريٽريٽ جي سيڪيورٽي گارڊز نوجوان جلال ڪوري کي پڪڙي آرام باغ پوليس حوالي ڪري ڇڏيو. جلال ڪوري ڪيتري ئي عرصي کان سردار شاهه جو نالو استعمال ڪندي مختلف کاتن ۾ ملازمن جون مقرريون ۽ بدليون ڪرائيندو رهيو آهي. فراڊي نوجوان جلال ڪوري تعليم کاتي جو گوسڙو ملازم نڪتو، صوبائي وزير سردار شاهه نوجوان جلال ڪوري کان لاتعلقي جو اظهار ڪيو آهي.