فيفا ورلڊ ڪپ، قطر روس کي شڪست ڏئي ڇڏي

قطر ۾ فيفا ورلڊ ڪپ 2022 جي شروعات رنگارنگ افتتاحي تقريب سان ٿي. فيفا ترجمان مطابق هن وقت تائين 3 ملين ٽڪيٽون وڪرو ٿي چڪيون آهن، جنهن ۾ قطر روس کي پوئتي ڇڏي ڏنو آهي. هن چيو ته قطر جي ميزباني لاءِ ناڪاري تشهير باوجود مداحن جي دلچسپي وڌي آهي. ترجمان جو چوڻ آهي ته روس ۾ 2018ع جي ورلڊ ڪپ شروع ٿيڻ تائين 24 لک ٽڪيٽون وڪرو ٿي چڪيون هيون. واضح رهي ته گذريل ڏينهن کيڏيل فٽبال ورلڊ ڪپ 2022 جي افتتاحي ميچ ۾ ميزبان قطر کي ڏکڻ آمريڪي ٽيم ايڪواڊور 0-2 تان شڪست ڏني هئي.