وفاقي سرڪار اڄ نئين مالي سال جي بجيٽ پيش ڪندي

وفاقي سرڪار اڄ نئين مالي سال 24-2023 جي 14 هزار 500 ارب رپين جي ماليت واري بجيٽ پيش ڪري رهي آهي. هڪ هزار ارب رپين جي خساري واري بجيٽ ۾ قرض ۽ وياج جي ادائگي لاءِ 7 هزار 300 ارب رکيا ويا، قومي اسيمبلي جو بجيٽ اجلاس اڄ شام 4 وڳي ٿيندو. ناڻي جو وفاقي وزير اسحاق ڊار نئين مالياتي بجيٽ پيش ڪندو، قومي اسيمبلي جي اجلاس کان اڳ وفاقي ڪابينا جي خصوصي اجلاس ۾ بجيٽ تجويزن جي منظوري ڏني ويندي، بجيٽ ۾ سرڪاري ملازمن جي پگهار ۽ پينشن ۾ واڌ جا امڪان آهن.