اسان ڪڏهن ناهي چيو ته اسٽيبلشمينٽ پنهنجو رستو وٺي پر سول ملٽري تعلق ۾ توازن هجڻ گهرجي: عمران خان

اڳوڻي وزيراعظم عمران خان چيو آهي ته ڪو به انتظامي نظام ان وقت ڪم نٿو ڪري سگهي جڏهن ذميواري چونڊيل حڪومت جي هجي، پر اختيار ڪٿي ٻئي هنڌ هجن. عمران خان چيو ته اسٽيبلشمينٽ پاڪستان ۾ هڪ حقيقت آهي، ستر سالن کان جيڪو انهن جو ڪردار آهي، اسان ڪڏهن به ناهي چيو ته اسٽيبلشمينٽ پنهنجو رستو وٺي، ايئن نه ٿيندو، پر سول ملٽري تعلق ۾ توازن هجڻ گهرجي. هن جو چوڻ هو ته چونڊيل حڪومت وٽ جيڪڏهن اختيار ناهي ۽ اهي اختيار ڪنهن ٻئي وٽ آهن ته ڪو به انتظامي نظام ڪم نٿو ڪري سگهي. هن چيو ته سياسي پارٽي وچ جو رستو ڳوليندي آهي، پر اليڪشن جي ذريعي سياسي استحڪام بنا معيشت پاڻ ڀري نٿي ٿي سگهي.