خشڪ اکين ۾ پاڻياٺ آڻڻ وارو ڪانٽيڪٽ لينس ايجاد

ڪجهه ماڻهن جي اک ۾ غير معمولي خشڪي هوندي آهي، جنهن لاءِ بار بار اکين ۾ قطرا وجهڻا پوندا آهن، انهي ضرورت تحت جاپاني ماهرن اکين کي پاڻمرادو پاڻياٺ پيدا ڪرڻ وارا ڪانٽيڪٽ لينس تيار ڪيا آهن. تيراساڪي انسٽيٽيوٽ فار بايوميڊيڪل انوويشن (ٽي آءِ بي آءِ) جيڪي ڪانٽيڪٽ لينس ٺاهيا آهن، انهن کي ڪلائيڊ جو نالو ڏنو ويو آهي جيڪي ”ڪانٽيڪٽ لينس انڊيوسڊ ڊرائي آئي“ جو مخفف آهي. اک ڇنڀڻ سان ان مان پاڻياٺ خارج ٿيندي آهي ۽ اک جي پاڻياٺ بحال رکندو آهي، واضح رهي ته خشڪ اک هئڻ ڪري اکين ۾ تڪليف، ڏسڻ ۾ گهٽتائي ۽ اکين ۾ سوزش وغيره جو مسئلو پيدا ٿي سگهي ٿو.