سائفر ڪيس ۾ عمران خان ۽ شاهه محمود قريشي تي فرد جرم لاڳو ڪرڻ لاءِ تاريخ مقرر

سائفر ڪيس ۾ پي ٽي آءِ چيئرمين ۽ شاهه محمود قريشي تي فرد جرم لاڳو ڪرڻ لاءِ 17 آڪٽوبر جي تاريخ مقرر ٿي وئي. اسلام آباد جي آفيشل سيڪريٽ ايڪٽ ڪورٽ جي جج ابو الحسنات شاهه محمود قريشي خلاف اڊيالا جيل ۾ ڪيس جي ٻڌڻي هلائي.  اسپيشل پراسيڪيوٽر ذوالفقار نقوي، وڪيل سلمان صفدر، ايف آءِ اي جي ٽيم ۽ جاچ آفيسر چالان جي ڪاپي سان گڏ پيش ٿيا. شاهه محمود قريشي جي ڌيءَ ۽ پٽ زين قريشي به اڊيالا جيل پهتا، ٻڌڻي دوران سائيفر ڪيس ۾ چالان جون ڪاپيون ورهايون ويون. عدالت پي ٽي آءِ چيئرمين ۽ شاهه محمود قريشي تي فرد جرم لاڳو ڪرڻ لاءِ 17 آڪٽوبر جي تاريخ مقرر ڪندي ٻڌڻي ملتوي ڪري ڇڏي.