سامونڊي طوفان بائپر جواءِ سنڌ جي وڌيڪ ويجهو پهچي ويو

طوفان ڪراچي کان 470 ڪلوميٽر ۽ ٺٽي کان 460 ڪلوميٽر جي فاصلي تي موجود آهي. اين ڊي ايم اي موجب طوفان 15 جون تي منجهند کانپوءِ سنڌ جي ڪيٽي بندر ۽ ڀارتي گجرات جي وچ واري علائقي سان ٽڪرائجي ويندو. موسميات کاتي جو چوڻ آهي ته شديد طوفان جي نتيجي ۾ ٺٽو، بدين، سجاول ۽ ٿرپارڪر ۾ گجگوڙ ۽ طوفاني هوائن سان برساتون پوڻ جا امڪان آهن. ڪراچي، حيدرآباد، ميرپورخاص، عمرڪوٽ، ٽنڊوالهيار ۽ ٽنڊو محمد خان ۾ به طوفاني وسڪارن جا امڪان آهن.