اسڪولن جي بندش: سردار شاهه جو سخت ردعمل

سنڌ جي تعليم واري وزير سيد سردار شاهه پرائيويٽ اسڪولن کي زوريءَ بند ڪرڻ خلاف ڪارروائي ڪرڻ جو فيصلو ڪري ورتو. صوبائي وزير سيد سردار شاهه جي هدايت تي تعليم کاتي سنڌ سرڪيولر جاري ڪري ڇڏيو. تعليم واري وزير جو چوڻ هو ته پرائيويٽ اسڪولن جي انتظاميا اسڪولن کي معمول موجب هلائڻ جي پابند آهي. اسڪولن کي زبردستي بند رکندڙ اسڪولن جي رجسٽريشن رد ڪئي ويندي. هن چيو ته سڀ سرڪاري ۽ نجي اسڪول حڪومتي حڪمن تي عمل جا پابند آهن.