چيئرمين پي ٽي آئي کي اڊيالا جيل منتقل ڪرڻ جو حڪم

اسلام آباد هاءِ ڪورٽ سائفر ڪيس ۾ حراست هيٺ پاڪستان تحريڪ انصاف جي چيئرمين عمران خان کي اٽڪ جيل مان اڊيالا منتقل ڪرڻ جو حڪم ڏئي ڇڏيو آهي. چيف جسٽس عامر فاروق چيئرمين پي ٽي آئي کي جيل ۾ مليل سهولتن بابت درخواست تي ٻڌڻي ڪئي. ٻڌڻي دوران چيف جسٽس اسلام آباد چيو ته چيئرمين پي ٽي آئي سائفر ڪيس ۾ ٽرائل هيٺ قيدي آهي، اسلام آباد جا سڀ ٽرائل هيٺ قيدي اڊيالا جيل ۾ هوندا آهن، کيس اڊيالا جي بجاءِ اٽڪ جيل ۾ ڇو رکيو ويو آهي؟ توشاخانه ڪيس ۾ کيس اٽڪ جيل ۾ رکيو ويو هو، اها سزا معطل ٿي چڪي آهي. سڀاڻي ڇا اوهان کيس رحيم يار خان ٽرانسفر ڪري ڇڏيندا، ته ڇا اسان اتي وڃي ٽرائل ڪنداسين؟