سکر: نگران وڏي وزير سول اسپتال جي پوري ميڊيڪل بورڊ کي معطل ڪري ڇڏيو

نگران وڏي وزير سول اسپتال جي پوري ميڊيڪل بورڊ کي معطل ڪري ڇڏيو. نگران وڏي وزير ايم ايس ڊاڪٽر الطاف اعواڻ ۽ ڊائريڪٽر فنانس ظهير ڀٽي کي به معطل ڪري ڇڏيو، نگران وڏي وزير پاران سي ٽي اسڪين، ايم آر آءِ ۽ ٻي مشينري خراب هجڻ ۽ صفائي سٿرائي نه هجڻ تي ڪاوڙ جو اظهار ڪيو ويو. مريضن ۽ سندن وارثن پاران نگران وڏي وزير آڏو دوائون نه ملڻ، ڊاڪٽر جي غير حاضري جون به شڪايتون. نگران وڏي وزير مقبول باقر پاران 15 ڏينهن اندر سي ٽي اسڪين ۽ ٻي مشينري ٺهرائڻ جو حڪم ڏنو ويو. نگران وڏي وزير پاران سول اسپتال سکر جي رڌڻي جي خراب حالت تي ڪاوڙ جو اظهار ڪيو ويو، هن چيو ته 350 ماڻهن جو کاڌو روزانو اسپتال جي هن رڌڻي ۾ تيار ٿيندو؟ 2 ڪروڙ رپين کان وڌيڪ کاڌي جي بجيٽ آهي. نگران وڏي وزير پاران غلام محمد مهر ميڊيڪل ڪاليج جي گذريل 5 سالن جي فرانزڪ آڊٽ جو حڪم پڻ ڏنو ويو.