وفاقي سرڪار ۽ اتحادي پنجاب اسيمبلي کي بچائڻ لاءِ سرگرم

پنجاب اسيمبلي کي بچائڻ لاءِ وفاقي سرڪار ۽ حڪمران اتحاد جون ڪوششون جاري آهن. وزيراعظم شهباز شريف جي صدارت هيٺ لاهور ۾ نون ليگ جي مشاورتي اجلاس ۾ مختلف آپشنز تي غور ويچار ڪيو ويو. اجلاس ۾ پرويز الاهي کي گورنر ذريعي اعتماد جو ووٽ وٺڻ لاءِ چوڻ سميت مختلف آپشنز تي مشاورت ڪئي وئي. شهباز شريف اڳوڻي صدر آصف علي زرداري ۽ چوڌري شجاعت سان ٿيل ملاقاتن بابت پارٽي اڳواڻن کي آگاهه ڪيو. ذريعن موجب سياحت واري وزير عون چوڌري وزيراعظم سان ملاقات ڪري کيس جهانگير ترين جو اهم پيغام پهچايو.