رات جو سٺي ننڊ ڪرڻ سان انسان جي پوڙهي ٿيڻ جو عمل سست ٿي وڃي ٿو

هڪ تحقيق ۾ ٻڌايو ويو آهي ته رات جو سٺي ننڊ ڪرڻ سان حياتياتي طور پوڙهي ٿيڻ جو عمل سست ٿي وڃي ٿو. آمريڪي رياست جارجيا ۾ قائم آگسٽا يونيورسٽي سان تعلق رکندڙ هڪ سائنسدان جي ٽيم مطالعي لاءِ 50 سالن جي عمر جي 6052 ماڻهن جي ڊيٽا جو جائزو ورتو. تحقيق مان خبر پئي ته اهي ماڻهو جيڪي پنهنجي ننڊ جي طرز تي باقائدگي سان عمل ڪن ٿا، انهن جي حياتياتي عمر گهٽ هئي. البته اهي ماڻهو جيڪي باقائدگي سان ننڊ نٿا ڪن، اهو سندن بدتر صحت جي صورت ۾ ظاهر ٿئي ٿو. محققن جي ٽيم جو چوڻ آهي ته جسم جي اندروني گهڙيال ۾ خلل سبب جسم جي خلين جي عمر وڌڻ ۽ عمر سان لاڳاپيل بيماريون وڌيڪ ٿيڻ جو امڪان ٿئي ٿو.