وڏي عمر کي روڪڻ لاءِ 8 احتياط

سائنسدانن صحت جي حوالي سان 8 اهڙا قدم کڻڻ جي نشاندهي ڪئي آهي جيڪي جسم جي عمر وڏي ٿيڻ جي عمل کي سست ڪن ٿا. آمريڪي رياست فليڊيلفيا ۾ منعقد ٿيڻ واري آمريڪن هارٽ ايسوسئيشن جي ڪانفرنس ۾ پيش ڪيل هن تحقيق ۾ لڳ ڀڳ 47 سالن جي 6500 ماڻهن جو معائنو ڪيو ويو. آمريڪي ماهرن مطابق وزن، بلڊ شوگر، ڪوليسٽرول، بلڊپريشر جو خيال رکڻ سان گڏ صحتمند ننڊ ۽ کاڌي جي معمول ۾ باقاعدگي جسماني سرگرميون ۽ سگريٽ ڇڪڻ کان پرهيز ڪرڻ عمر وڌڻ جي باوجود ٻڍاپي جي عمل کي سست ڪن ٿا. محققن جو چوڻ آهي ته اهي ماڻهو جن جي قلبي صحت بهترين هئي. انهن جي حياتياتي عمر (اها رفتار جنهن سان هر سال عمر وڌندي آهي حقيقي عمر کان 6 سال گهٽ هئي). نتيجو اهو ٿو نڪري ته هر ماڻهو پنهنجي زندگيءَ ۾ اضافو چاهي ٿو ۽ ان کان به اهم ڳالهه اها آهي ته اهو صحتمند ۽ طويل زندگي چاهي ٿو ان لاءِ اسان سٺي معيار واري زندگي حاصل ڪري ان مان لطف اندوز ٿي سگهون ٿا.