تاجڪستان سميت پاڪستان جي مختلف علائقن ۾ 6.8 شدت جو زلزلو

آمريڪي جيولوجيڪل سروي مطابق تاجڪستان ۾ ايندڙ زلزلي جي ريڪٽر اسڪيل تي شدت 6.8 رڪارڊ ڪئي وئي جڏهن ته گهرائي 20 ڪلوميٽر زمين هيٺ هئي، زلزلي جو مرڪز تاجڪستان جو علائقو عليچر کان 47 ڪلوميٽر پري آهي. ٻئي پاسي اسلام آباد، ڪي پي ڪي ۽ پنجاب جي به ڪيترن ئي شهرن ۾ زلزلي جا جهٽڪا محسوس ڪيا ويا، جنهن سبب ماڻهن ۾ خوف پکڙجي ويو، جڏهن ته ڪنهن جاني نقصان جا اطلاع وصول نه ٿيا آهن، ان کان علاوه ازبڪستان، چين، ڀارت، افغانستان ۽ ڪرغزستان ۾ پڻ زلزلي جا جهٽڪا محسوس ڪيا ويا. واضح رهي ته ڪجهه ڏينهن اڳ موسميات کاتي پيشن گوئي ڪئي هئي ته پاڪستان ۽ پاڙيسري ملڪن ۾ زلزلي جا امڪان موجود آهن.