ڪراچي ۾ پابندي مڙهيل تحريڪ طالبان پاڪستان جا ٻه دهشتگرد گرفتار، دستي بم هٿ

ابراهيم حيدريءَ مان پابندي مڙهيل تحريڪ طالبان پاڪستان جي ٻن دهشتگردن کي گرفتار ڪري سندن قبضي مان دستي بم هٿ ڪيا ويا. دهشتگردن جي قبضي مان 2 دستي بم هٿ آيا آهن. گرفتار دهشتگرد افغانستان مان تربيت حاصل ڪري آيا هئا. پوليس ذريعن جو چوڻ آهي ته گرفتار ڪيل هڪ دهشتگرد جي سڃاڻپ نعمت الله عرف بابا جڏهن ته ٻئي جي پيرالله جي نالي سان ٿي آهي. نعمت الله جو هڪ ڀاءُ جيل ۾ آهي جڏهن ته ٻيو پوليس مقابلي ۾ مارجي چڪو آهي. نعمت الله مخبري جي شڪ ۾ مهتاب نالي شخص کي قتل ڪري ڇڏيو هو. مهتاب کي قتل ڪرڻ جا حڪم حڪيم الله محسود ڏنا هئا.