پهرين مارچ کان سمورا اسڪول معمول موجب کوليا ويندا: شفقت محمود

تعليم واري وفاقي وزير شفقت محمود اعلان ڪيو آهي ته ڪورونا سبب ڪجهه وڏن شهرن جي اسڪولن ۾ ڪلاسن کي ننڍن گروپن ۾ ورهائي پڙهائي جي پابندي 28 فيبروري کان ختم ٿي رهي آهي. هن چيو ته پهرين مارچ کان سمورا اسڪول معمول موجب کلندا. 50 سيڪڙو ٻارن کي گهرائڻ جي پابندي 28 فيبروري تي ختم ٿي ويندي. ملڪ ۾ سمورا اسڪول پهرين مارچ کان ڪلاس معمول تي واپس هليا ويندا. ياد رهي ته ڪورونا وائرس سبب گذريل سال 15 مارچ کان سمورا تعليمي ادارا بند ڪيا ويا هئا. جڏهن ته سنڌ ۾ 25 فيبروري تي پهريون ڪيس سامهون اچڻ کانپوءِ سمورا تعليمي ادارا بند هئا.