پاڪستان ۾ موبائل فون واهپيدارن لاءِ خوشخبري

موبائل فون واهپيدارن لاءِ خوشي جي خبر آهي ته پهرين جولاءِ کان آف نيٽ ورڪ ڪالز وڌيڪ سستيون ٿي رهيون آهن. پي ٽي اي موبائل ٽرمينيشن ريٽس گهٽائيندي پنجاهه پئسن مان چاليهه پئسا ڪرڻ جو فيصلو ڪري ورتو آهي. جنهن سان آف نيٽ ڪالز سستيون ٿينديون. ايم ٽي آر اها قيمت آهي جيڪا ڪا به سيليولر ڪمپني ٻي سيليولر ڪمپني کان پنهنجي واهپيدار جي ڪال پنهنجي نيٽ ورڪ تي ٽرمينيٽ ڪرڻ تي اوڳاڙيندي آهي. 2020 ۾ اها قيمت ستر پئسا ۽ 21 ۾ پنجاهه پئسا في منٽ ڪئي وئي هئي ۽ هاڻي ڏهه پئسا وڌيڪ گهٽتائي ڪئي وئي آهي. 2023 ۾ به ان تي 10 پئسا گهٽايا ويندا جنهن کانپوءِ اها قيمت ٽيهه پئسا رهجي ويندي.