وفاقي حڪومت پاران پهرين مئي تي پيٽروليم مصنوعات جون قيمتون نه وڌائڻ جو اعلان

وفاقي حڪومت پيٽروليم مصنوعات جون قيمتون برقرار رکڻ جو فيصلو ڪيو آهي. ناڻي واري وزارت جي طرفان جاري ڪيل پڌرائي موجب پهرين مئي کان 15 مئي تائين پيٽروليم مصنوعات جون موجوده قيمتون برقرار رهنديون. پڌرائي موجب پيٽرول جي في ليٽر قيمت 108 رپيا 56 پئسا، ڊيزل جي في ليٽر قيمت 110 رپيا 76 پئسا، گاسليٽ 80 رپيا ۽ لائٽ ڊيزل آئل 77 رپيا 65 پئسا في ليٽر تي برقرار رهندو.