وزيراعظم سان آصف زرداري ۽ بلاول ڀٽو زرداري جي ملاقات

وزيراعظم شهباز شريف سان اڳوڻي صدر آصف زرداري ۽ پ پ چيئرمين بلاول ڀٽو زرداري ملاقات ڪئي آهي، جنهن دوران ملڪ جي سياسي ۽ معاشي صورتحال تي غور ڪيو ويو وزيراعظم هائوس ۾ ٿيل ملاقات ۾ وفاقي وزير ۽ اسپيڪر قومي اسيمبلي به موجود هئا. ذريعن موجب ملاقات دوران پ پ قيادت کي متحده جي خدشن کان آگاهه ڪيو ويو، احسن اقبال تي بجيٽ ۾ رٿائون ختم ڪرڻ جا الزام هڻندڙ ايم اين اي اسلم ڀوتاڻي به وزيراعظم سان ملاقات لاءِ پهتو ۽ خدشن کان آگاهه ڪيو. وزيراعظم شهباز شريف سان ايم اين اي خالد مگسي جي اڳواڻي ۾ باپ جي ايم اين ايز جي به ملاقات ڪري پنهنجا مسئلا ٻڌايا. ذريعن موجب ملاقاتن دروان اتحادين طرفان وزيراعظم کي پنهنجي خدشن کان آگاهه ڪيو ويو.