سنڌ ۾ نئون مڪاني نظام آڻڻ جو فيصلو

سنڌ حڪومت پاران لوڪل گورنمينٽ ايڪٽ 2013ع ۾ ترميم جو فيصلو، قانوني ماهرن، کاتي جي اختيارين ۽ سمورن اسٽيڪ هولڊرن کان تجويزن ورتيون ويون. مڪاني ادارن واري صوبائي وزير ناصر شاھ جي صدارت هيٺ سنڌ ۾ نئون مڪاني نظام آڻڻ جي حوالي سان اهم اجلاس ٿيو. جنهن ۾ مڪاني ادارن واري کاتي جي سيڪريٽري، ڪي ايم سي اختيارين ۽ قانوني ماهرن شرڪت ڪئي. اجلاس ۾ فيصلو ڪيو ويو ته لوڪل گورنمينٽ ايڪٽ 2013ع ۾ ترميم آندي ويندي. ان سلسلي ۾ صوبائي وزير ناصر شاھ چيو آهي ته قانوني ماهرن سميت سمورن اسٽيڪ هولڊرن سان مشاورت ڪرڻ کانپوءِ ايڪٽ ۾ ترميم ۽ نئون مڪاني نظام لاڳو ڪيو ويندو.