سنڌ هاءِ ڪورٽ پاران نيب پراسيڪيوٽر تي ڪاوڙ جو اظهار

سنڌ هاءِ ڪورٽ ۾ نيب جاچ، طريقيڪار، قاعدا ۽ ضابطا جوڙڻ بابت ڪيس جي ٻڌڻي ٿي. ان دوران عدالت نيب پراسيڪيوٽر تي ڪاوڙ جو اظهار ڪيو. جسٽس اقبال ڪلهوڙو چيو ته 22 سالن کان نيب رولز جي بنا ڪم ڪري رهيو آهي. عدالت نيب پراسيڪيوٽر کان پڇيو ته نيب جيڪي ليٽر لکيا آهن، اهي ڪٿي آهن؟ جنوري 2020 کان درخواست ٻڌڻي هيٺ آهي اڃان تائين جواب جمع ناهي ڪرايو ويو. ايندڙ ٻڌڻي تي جواب جمع نه ڪرايو ويو ته ڏنڊ هڻنداسين. ان موقعي تي اسسٽنٽ اٽارني جنرل پاڪستان چيو ته 15 کان 20 ڏينهن جو وقت ڏيو. تفصيلي جواب جمع ڪرائينداسين. پوءِ عدالت وڌيڪ ٻڌڻي 25 آڪٽوبر تائين ملتوي ڪري ڇڏي.