ايڊووڪيٽ عرفان قادر وزيراعظم جو خاص مددگار: نوٽيفڪيشن جاري

وزيراعظم شهباز شريف ايڊووڪيٽ عرفان قادر کي خاص مددگار مقرر ڪيو آهي. عرفان قادر جي مقرري جو نوٽيفڪيشن به جاري ڪيو ويو آهي، جنهن موجب عرفان قادر جو عهدو وفاقي وزير جي برابر هوندو. اسحاق ڊار ۽ عرفان قادر جي مقرري کانپوءِ ڪابينا جو حجم چوهتر ميمبرن جو ٿي ويو آهي. وزيراعظم جي ڪابينا ۾ پنجٽيهه وفاقي وزير، ست مملڪت جا وزير، چار مشير، اٺاويهه خاص مددگار آهن. مفتاح اسماعيل کانسواءِ وزارت جا وفاقي وزير برقرار آهن.