سعودي عرب پاران هوٿي باغين کي جامع جنگبندي جي آڇ

سعودي عرب يمن جي هوٿي باغين کي گڏيل قومن جي نگراني هيٺ هڪ جامع جنگبندي جي آڇ ڪئي آهي، پر تازو تيل جي ذخيرن تي حملن ۾ تيزي آڻيندڙ ايران جي حمايت رکندڙ هوٿين رياض جي قدمن کي اهو چئي رد ڪري ڇڏيو ته اها ڪا نئين ڳالهه ناهي. 6 سالن کان جاري ڇڪتاڻ ۾ هاڻ ڪافي تيزي اچي وئي آهي ۽ هوٿي باغين سعودي عرب جي حمايت رکندڙ يمني حڪومت جي اتر ۾ واقع آخري مضبوط ڳڙهه تي قبضي لاءِ انتهائي ويجهو پهچي ويا آهن.