ايران کي نه روڪيو ويو ته هو ڪجهه هفتن ۾ ايٽم بم ٺاهي وٺندو: آمريڪي پرڏيهي وزير

آمريڪي پرڏيهي وزير امڪان ظاهر ڪيو آهي ته ايران ڪجهه هفتن يا مهينن ۾ ايٽم بم ٺاهي وٺندو.

پرڏيهي وزارت جو منصب سنڀالڻ کانپوءِ پنهنجي پهرئين انٽرويو ۾ انٽوني بلنڪن چيو آهي ته ايران سان جوهري تڪرار شديد ٿي سگهي ٿو ڇو ته ايران معاهدي تحت مٿس مڙهيل پابندين تي عمل نه ڪري پنهنجي مقصد ۾ ڪامياب ٿي سگهي ٿو ۽ هن جي لاءِ ايٽم بم ٺاهڻ هفتن جي ڳالهه هوندي، ايران تيزيءَ سان ايٽمي طاقت ٿيڻ جي ويجهو ٿي ويو آهي.

ٽرمپ صدر اوباما جي دور ۾ ايران سان ٿيل جوهري هٿيارن جي روڪٿام جي معاهدي کي هڪ طرفو ختم ڪري ڇڏيو هو ۽ دٻاءُ وڌائڻ لاءِ ايران تي 2018 ۾ سخت ترين پابنديون به مڙهيون هيون پر بائيڊن جي اقتدار ۾ اچڻ کانپوءِ اڳوڻي معاهدي تي پابندي جي شرط تي ايران ٻيهر ڳالهيون ڪرڻ جو اشارو ڏنو آهي.