آمريڪي رياست الينوائي ۾ فائرنگ ٽي ڄڻا مارجي ويا، ٽي زخمي

آمريڪي رياست الينوائي ۾ فائرنگ سبب 3 ڄڻا مارجي ويا ۽ 3 زخمي ٿي پيا. پرڏيهي خبرون ڏيندڙ ايجنسي موجب آمريڪي رياست الينوائي ۾ هڪ شخص بائولنگ ڪلب ۾ انڌاڌنڌ فائرنگ ڪئي، پر فوري طور تي فائرنگ ڪرڻ جو سبب سامهون ناهي اچي سگهيو. پوليس شڪي شخص کي گرفتار ڪري جاچ شروع ڪري ڏني آهي جڏهن ته زخمين کي ويجهين اسپتالن ڏانهن منتقل ڪيو ويو آهي. ياد رهي ته گذريل ڏينهن آمريڪي رياست ٽينسي جي شهر نيسٽويل ۾ ڪرسمس جي موقعي تي ڌماڪو ٿيو هو جنهن ۾ 3 ڄڻا زخمي ٿي پيا هئا.