ميرپورخاص ضلعي ۾ ٻاهران آيل 90 ڄڻن مان 66 ڄڻا ڪليئر قرار

ميرپورخاص ضلعي ۾ مختلف ملڪن مان آيل 90 ڄڻن مان 66 ڄڻن کي ڪليئر قرار ڏنو ويو. ڊسٽرڪٽ ميرپورخاص جي فوڪل ڊاڪٽر دلبر مري ٻڌايو ته ايران، عراق، شام ۽ سعودي کان ڪل 90 ڄڻا آيا هئا، انهن کي 14 ڏينهن تائين پنهنجن گهرن ۾ آبزرويشن هيٺ رکيو ويو، جن مان 66 ڄڻا ڪليئر ٿي ويا آهن. جڏهن ته 24 ڄڻا آبزرويشن هيٺ آهن. جيڪڏهن انهن مان ڪو ڪيس مثبت اچي ٿو ته ان کي آئيسوليشن وارڊ ۾ علاج لاءِ منتقل ڪيو ويندو. هن چيو ته ٻاهرين ملڪن کان ايندڙ ماڻهن تي ڪڙي نظر آهي. ٻاهران ايندڙ ماڻهن کي 14 ڏينهن لاءِ آبزرويشن ۾ رکيو ويندو آهي